जालसूचिका निर्माणाय कानिचन वस्तूनि आवश्यकानि अधोक्तानि सन्ति ।
स्थानकस्य (प्लेटफार्म) चयनम् (ब्लागर, वर्डप्रेस, जूमला इत्यादिषु कश्चित)
ईसंकेत: (ईमेल आई.डी.)
नामनिर्धारणम्
उद्देश्यम्
सूचिकासंकेत: इत्यादि
1. स्थानकस्य चयनम् - एतत् अतिमहत्वपूर्णं कार्यमस्ति जालसूचिकां निर्मातुम् । पूर्वं तु स्थानकस्य एव निश्चयं करणीयं भवति यस्योपरि आत्मन: जालसूचिका निर्मापनीया भवति । प्रायश: जालजगति ब्लागर एवं च वर्डप्रेस सर्वतोधिकप्रचलितस्थानकौ स्त: । तयो: अपि ब्लागर तकनीकिदृष्ट्या सरलमस्ति । अत: नूतनजना: ये तकनीकिज्ञानं तावत् न वहन्त: भवन्ति ते ब्लागर एव स्वीकुर्यु: ।
2. ईसंकेत: - ईसंकेत: इत्युक्ते विद्युतसंकेत: । एष: संकेत: स: भवति यत्र भवत: विद्युतपत्राणि आगच्छन्ति । अस्य प्रयोग: सम्प्रति बहुप्रचलित: अस्ति । सामान्यतया सर्वे जालचालका: एतस्मिन् विषये जानन्ति एव । सूचिकानिर्माणाय एतदपि अतिमहत्वपूर्णं भवति । अनेन माध्यमेन एव सूचिकास्थानकेषु पंजीयनं क्रियते ।
3. नामनिर्धारणम् - नाम एव सूचिकाया: परिचय: भवति । भवत: सूचिकाया: विषय: क: पुनश्च अनेन माध्यमेन भवान् समाजे किं प्रसारितुं वांछति इति सर्वं नाम्ना एव ज्ञायते । अत: अभिधानस्य महती आवश्यकता । यथा भवान् संस्कृतप्रसारकार्याय सूचिकां निर्मापयति चेत् भवत: सूचिकाया: नाम संस्कृतप्रसारक:, संस्कृतशिक्षक:, संस्कृतकार्यकर्ता इत्यादि किमपि भवितुमर्हति । अत्र यदवधेयमस्ति तदस्ति तन्नाम एव चयनीयं यत् अन्यत्र न प्राप्येत । अनेन हानि: भवितुमर्हति । भवत: पाठका: अन्यत्र गन्तुं शक्नुवन्ति, अत: सावधानतया नामचयनं कुर्यात् ।
4. उद्देश्यम् - जालसूचिकानिर्माणात् पूर्वं अस्य निर्णयं कुर्यात् यत् अस्या: सूचिकाया: निर्माणं किमर्थं क्रियते । अस्य उद्देश्यं किमिति । उद्देश्येन विना सूचिकाया: अस्तित्वं नैव । यदि भवान् आत्मन: सूचिकायां किमपि एवमेव लिखति चेत् भवत: लेखाना: प्रभाव: नैव भवति । अत: एकमुद्देश्यं स्थाप्य तदनुसारं कार्यं करणीयम् । एतस्य उद्देश्यस्य विषये जालसूचिकायाम् अपि वर्णनं भवेत् ।
5. सूचिकासंकेत: - यथा अस्माकं गृहस्य कश्चित विशिष्ट: एव पत्रसंकेत: भवति येन माध्यमेन जना: अस्माकं गृहं सहजतया प्राप्नुवन्ति तद्वदेव अस्माकं सूचिकाया: अपि एक: विशिष्ट: संकेत: भवेत् अनेन जना: सहजतया अस्माकं सूचिकां प्राप्तुं शक्नुवन्ति । एषा सूचिका समूल्येन, निर्मूल्येन च द्विविधं भवति । प्रारम्भे तु निर्मूल्यकं संकेतमेव स्वीकुर्यात् । अनन्तरं यदा सूचिका वर्धते तदा समूल्यकं ईसंकेतं स्वीकर्तुं शक्यन्ते ।
No comments:
Post a Comment